Бала саулығын қалыптастыру – оның жарық дүниеге келген алғашқы сәтінен басталады. Бұл жолдағы ең табиғи әрі ең тиімді тәсіл – ана сүтімен қоректендіру. Дүниежүзілік денсаулық сақтау ұйымы алғашқы алты ай бойы тек осылайша тамақтандыруды ұсынады – бұл сәбидің толыққанды өсуі мен дамуына қажетті жалғыз тағам.
Ана сүті – нәрестенің қорғаныш қалқаны. Ол иммундық жүйені нығайтады, жұқпалы және созылмалы аурулардың алдын алады, ас қорыту процесін жеңілдетеді. Бірақ бұл – жай ғана тағам емес, ананың жүрегінен нәр алған, махаббат пен мейірімге толы өмірдің алғашқы дәмі.
Ол ана мен сәби арасындағы көзге көрінбейтін, бірақ өмір бойына сақталатын байланысты бекемдейді. Бұл байланыс – болашақ тұлғаның сенімділігіне, тұрақтылығына, психологиялық саулығына негіз болады.
Сәбидің әр тынысы, әр қозғалысы – оған берілген дұрыс күтім мен қамқорлықтың айнасы. Сондықтан бүгінгі жауапты шешім – болашақтың саулығы.
Қордай аудандық орталық ауруханасы
