Вакцинация – ұлт денсаулығын қорғаудың ең маңызды құралдарының бірі. Осы бағытта Қордай аудандық орталық ауруханасында иммунопрофилактика мәселелері бойынша кең ауқымды оқыту семинары өтті. Іс-шара Жамбыл облыстық денсаулық сақтау басқармасының кураторларының ұйымдастыруымен өткізілді.
Семинар барысында медицина қызметкерлері вакцинацияның заманауи тәсілдері, вакциналардың қауіпсіздігіне қойылатын халықаралық талаптар және халықпен тиімді байланыс орнату әдістері туралы құнды мәліметтер алды. Сондай-ақ, екпе жүргізу кезіндегі құжаттаманы рәсімдеу тәртібі, электрондық бақылау жүйелерімен жұмыс істеу және иммундау деңгейін арттыру стратегиялары жан-жақты талқыланды.
Саланың білікті мамандары алғашқы медициналық-санитарлық көмек көрсету мекемелерінің қызметкерлерін толғандыратын өзекті сұрақтарға жауап беріп, вакцинация үдерісін жетілдіруге бағытталған практикалық ұсыныстарын ортаға салды.
Осындай оқыту семинарлары медицина мамандарының кәсіби деңгейін арттыруға, халықтың вакцинацияға деген дұрыс көзқарасын қалыптастыруға және жұқпалы аурулардың таралуының алдын алуға ықпал етеді.
