«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 31,37 баптарына сәйкес, Қордай ауданының әкімдігі ҚАУЛЫ ЕТЕДІ:
- Қордай ауданына қарасты барлық елді мекендер мен олардың айналасындағы аумақтарда санитарлық тазалықты және көшелерді, алаңдарды, саябақтарды, гүл бақтарын, су айдындары мен адамдар жүретін басқа да орындарды көріктендіру, сондай-ақ ағаштар мен басқа да жас көшеттер отырғызу, автомобиль жолдарының бойындағы орман жолақтарының жағдайын жақсарту жөніндегі жұмыстарды жүргізу мақсатында, Қордай ауданында 2025 жылдың 1 қыркүйек және 1 қараша аралығында күзгі абаттандыру, көгалдандыру және санитарлық тазалықтың екі айлығы өткізілсін.
- Қордай аудандық күзгі абаттандыру, көгалдандыру және санитарлық тазалық екі айлығының шұғыл басқару штабы осы қаулының қосымшасына сәйкес құрылсын.
- «Жамбыл облысы Қордай ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі» коммуналдық мемлекеттік мекемесі заңнамада белгіленген тәртіппен осы қаулыдан туындайтын шаралардың қабылдануын қамтамасыз етсін.
- Осы қаулының орындалуын бақылау аудан әкімінің жетекшілік ететін орынбасарына жүктелсін.
Қордай ауданы әкімінің м.а. Б. Сахатов
