ӨМІРБАЯН
Оңгелдиев Адай Барманбекұлы 1992 жылы 17 ақпанда Жамбыл облысы Қордай ауданы Қордай ауылында дүниеге келген.
2012 жылы К. Әзірбаев атындағы ауыл шаруашылығы колледжін «Бағдарламашы» мамандығы бойынша, 2015 жылы М. Х. Дулати атындағы Тараз мемлекеттік университетін «Бағдарламашы» мамандығы бойынша, 2017 жылы Халықаралық гуманитарлық-техникалық университетін «Қаржы» мамандығы бойынша бітірген.
Еңбек жолын 2016 жылы «Қордай» несие серіктестігі» ЖШС жүргізуші болып бастады, одан кейін 2018 жылы кредиттерді әкімшілендіру жөніндегі маман лауазымына ауысқан, 2020 жылы кредиттерді әкімшілендіру жөніндегі бөлім бастығы болып 2023 жылдың 31 тамызына дейін еңбек еткен. Қазіргі уақытта өзін-өзі жұмыспен қамтыған.
БАҒДАРЛАМАСЫ
Мен, Оңгелдиев Адай Барманбекұлы ауылдық жерде туылғандықтан, округтің барлық негізгі проблемалары маған белгілі. Атап айтқанда, жолдар мен тротуарларға, көшелерді жарықтандыруға, саябақтарды абаттандыруға, жайылымдардың жетіспеушілігіне, балаларды және жастарды спортпен шұғылдануға, сондай-ақ оларды одан әрі ілгерілетуге қатысты мәселелерді шешу, әлеуметтік осал азаматтарға, қоқыс проблемаларына баса назар аудару талап етіледі.
Осы мәселелерді қалай шешуге болатынын, сондай-ақ ауылдық округ тұрғындарының тұрмысын жақсартуға болатынын анық түсінемін және көріп отырмын.
Сіздің пікіріңізге, ұсыныстарыңыз бен кеңестеріңізге сүйене отырып, халықтың игілігі үшін жұмыс істеуді таңдаймын және тұрғындар пікіріне құлақ асамын.
Бұған менің мақсаткерлігім, адалдығым, еңбексүйгіштігім және әділеттілікке деген сенімім көмектеседі деп үміттенемін!
Мен барлық жоспарларым мен күш-жігерімді Сіздің қолдауыңызбен ғана іске асыра аламын!
