ӨМІРБАЯН
Нұрқияс Айдана Досымханқызы, 1995 жылы 17 қарашада Жамбыл облысы Қордай ауданы Алға ауылында дүниеге келген.
2002-2009 жыл аралығында М.Смағұлов атындағы №34 орта мектепте 8 сыныпқа дейін білім алған. 2010-2013 жылы Б.Бөлтірікова атындағы №4 орта мектепте оқып, осы білім ошағында орта білім алып шыққан.
2013 жылы Абай атындағы Қазақ ұлттық педагогикалық университетінің «География-экология» мамандығы бойынша жоғары оқу орнына түсіп, 2017 жылы аяқтаған.
Еңбек жолын 2017 жылы -Д.Қонаев атындағы №1 мектеп-гимназиясында аға тәлімгер қызметінен бастаған.
2018 жылы Қордай ауылында орналасқан Балалар мен жасөспірімдер шығармашылық орталығында педагог-ұйымдастырушы және қосымша білім беру педагогы қызметіне ауысып, 2022 жылға дейін осы мекемеде жұмыс атқарды.
2022 жылдың шілде айынан бастап Қордай аудандық Мәдениет үйіне мәдени-ұйымдастырушы қызметіне ауысты.
2022 жылдың қыркүйек айынан Мәдениет үйінің көркемдік жетекшісі.
«АMANAT» партиясының мүшесі.
Тұрмысқа шықпаған.
БАҒДАРЛАМАСЫ
Егер мен Степной ауылдық округі әкімі лауазымына сайланған жағдайда, ауылдың әлеуметтік–экономикалық, қоғамдық-саяси өміріне белсенді араласа отырып, ауыл тұрғындарының мәдениетін, салт-дәстүрі мен тілін дамытуға, ұлтаралық келісімді нығайтуға, ауылға лайықты қоғамдық тәртіптің орнығуына үлес қосу мақсатында шаралардың іске асырылуына ат салысатын боламын:
2025-2028 жылдары аралығында ауылдық округті абаттандыру, көгалдандыру және күрделі ағымдағы жол жөндеу жұмыстарын жүргізуге;
2025-2028 жылдары аралығында жұмыспен қамтудың тиімділігі және баспанамен қамтуға;
Халық арасындағы жұмыссыздық деңгейін төмендетуге;
Ауылдық округ тұрғындары арасында салауатты өмір салтын насихаттауды арттыруға үлесімді қосамын.
2025-2028 жылдары аралығында барлық жастағы тұрғындарға арналған заманауи жабдықталған спорт алаңдары мен балалар ойын алаңдарының салынуына ықпал етемін.
Қосымша қаржыландыру көздерін іздеймін.
Кәсіпкерлік бастамаларды көтермелеу, ауылда шағын және орта бизнесті дамытуға;
Ауылдың көрнекті тұлғаларының мәдени-рухани мұрасын насихаттауға үлесімді қосамын.
Мен өз сайлаушыларымның әл-ауқаты мен өмір сүру сапасын едәуір арттыру бойынша қойылған міндеттерді шешу үшін сайлауға қатысамын.
