Қазіргі таңда Бұрхансай шатқалында 300-ден астам петроглиф анықталған. Археологтар зерттеу жұмыстары жалғасқан сайын олардың саны артуы мүмкін екенін айтады. Сондай-ақ жаңадан табылған тасбейнелерді жергілікті маңызы бар тарихи ескерткіштер қатарына енгізу, кейін республикалық деңгейдегі нысан мәртебесін беру мәселесі қарастырылуда.
Жуалы ауданындағы Күркіреусу ауылының маңында орналасқан Бұрхансай шатқалынан көне түркі дәуіріне тиесілі руникалық жазу анықталды, деп хабарлайды Jambylinfo.kz
Бірегей олжа тарихи-мәдени мұра нысандарын зерттеу барысында табылып, мамандар тарапынан үлкен қызығушылық тудырып отыр.
