Сәрсенбі күні Қордай ауданы, Қордай ауылының аумағында терроризмге қарсы аудандық жедел штабымен «Қордай-Антитеррор-2025» оқу-жаттығуы өткізілді.
Аталған іс-шараның мақсаты — құқық қорғау және арнайы органдардың күштері мен құралдарының террористік сипаттағы түрлі қауіп-қатерлерге қарсы тұру деңгейін тексеру болды.
Автокөлік пен халық қозғалысы уақытша шектеліп, қауіпсіздік шараларын сақтауға бағытталған шарада аудан тұрғындары мен қонақтарын мемлекеттік органдар қызметкерлерінің заңды талаптарын орындауға шақырылды. Сондай-ақ ықтимал терроризм актісінің алдын алу үшін арнаулы, құқық қорғау және басқа да мемлекеттік органдардың күштері мен құралдары жұмылдырылғандықтан, іс-шара барысында олардың өзара әрекеттесу тәртібі пысықталды.
