Ауыл шаруашылығы. Қордай ауданында ауыл шаруашылығы өнімдерін өндірумен негізінен шаруа қожалықтары мен жұртшылық шаруашылықтары айналысады. Есепті мерзім ішінде төрт түліктің барлық түрлерінің өнімдерін қоса есептегенде 788,4 тонна ет (сойыс салмақта), 6821,5 тонна сүт, 1109,4 мың дана жұмыртқа өндіріліп, өткен жылғы сәйкес кезеңдегімен салыстырғанда 129,5 тонна ет, 7,5 мың дана жұмыртқа кем, 26,9 тонна сүт артық өндірілді. Мал басы өз төлдері есебінен көбейту арқылы мүйізді ірі қара мал саны 91370 басқа, қой 430726 басқа, ешкі 9495 басқа, жылқы 18308 басқа, шошқа 927 басқа, үй құстары 100921 басқа жетіп, өткен жылғы есепті мерзімдегімен салыстырғанда мүйізді ірі қара 5075 басқа, қой — 9812 басқа, шошқа — 500 басқа көбейді, жылқы 236 басқа, ешкі 3017 басқа, үй құстары 29031 басқа азайды.
Бөлшек сауда. Есепті мерзім ішінде ауданда бөлшек сауданың көлемі 5974257 мың теңгені құрап, оның ішінде азық-түлік тауарлары 1878523 мың теңгеге, азық-түлік емес тауарлары 4095725 мың теңгеге сатылды.
