2024 жылдың 14-16 қараша күндері аралығында Астана қаласында дзюдо күресінен ұлдар мен қыздар арасында республикалық турнир өтті. 2009 және 2010 жылы туылған жасөспірімдер қатысқан «Чемпиондар лигалары» республикалык турниріне қордайлық жас спортшылар да барып, бағын сынап қайтты.
Атап айтсақ, №1 балалар мен жасөспірімдер дене шынықтыру мектебінің «Самбо» үйірмесінің тәрбиеленушілері және де Гвардейский қалашығындағы №43 Б.Момышұлы атындағы орта мектебінің оқушылары Елордада үлкен жетістіктерге жетті. Турнир нәтижесінде аталған мектептің 9-сынып оқушысы Буралкинова Шариз 63 келі салмақ дәрежесінде І-орынды, 8-сынып оқушысы Досымова Руана 48 келі салмақ дәрежесінде ІІ-орынды және 10-сынып оқушысы Амантай Ерсін 50 келі салмақ дәрежесінде ІІ-орынды иеленді. Спортшылардың жаттықтырушысы Бегжанов Байрам Дәулетбайұлы. Жас спортшыларға толағай табыстар тілейміз!
