Өрттің алдын алу — әр адамның жауапкершілігінде. Табиғатқа орасан зор зиян келтіретін тілсіз жауды болдырмау үшін қарапайым қауіпсіздік ережелерін сақтау қажет.
Өрттің негізгі себептері:
- Адамдардың салғырттығы: немқұрайлы от жағу, абайсыз тасталған темекі немесе сіріңке.
- Демалыс кезінде өрт қауіпсіздігін сақтамау: пикник жасағаннан кейін оттың толық сөндірілмеуі.
- Шыны қалдықтары: бөтелке мен әйнек сынықтары күн сәулесін шоғырландырып, құрғақ шөптің жануына себеп болуы мүмкін.
- Ауыл шаруашылығындағы отты қолдану: бақылаусыз қоқыс жағу, құрғақ шөп өртеу.
Өрт қауіпсіздігі ережелері:
Орманда және далада от жағуға тыйым салынады.
Темекі тұқылын немесе сіріңкені сөндірмей тастамаңыз.
Шөлмектер мен әйнек сынықтарын табиғатта қалдырмаңыз.
Орман маңында қоқысты жағуға жол бермеңіз.
Желді күні кез келген ашық отты пайдаланудан бас тартыңыз.
Есте сақтаңыз: өртті сөндіргеннен гөрі, оның алдын алу әлдеқайда оңай!
«Қарақоңыз» орман мен жануарлар дүниесін қорғау жөніндегі КММ
