«Таза Қазақстан» акциясы аясында Қарасай ауылында аудандық мәслихат депутаты Жайық Манасбаев бастаған «Ауыл» партиясы мүшелері мәдениет үйі мен спорт кешені аумағына 100 түп туя ағашы отырғызды.
Ағаш отырғызу жұмыстарына ауыл тұрғындары, жастар мен белсенділер де атсалысып, қоршаған ортаны қорғауға өз үлестерін қосты.
Игілікті шараның басты мақсаты – жасыл желекті көбейтіп, ауылдың экологиялық ахуалын жақсарту, тұрғындарға жайлы әрі көрікті орта қалыптастыру.
Аудандық мәслихат депутаты Жайық Манасбаев бұл шараның маңыздылығына тоқталып:
— «Қоршаған ортаны қорғау – әрбір азаматтың міндеті. Біздің басты мақсатымыз – ауылды көгалдандырып, болашақ ұрпаққа жайлы өмір сүру үшін қолайлы жағдай жасау. Туя ағашы – ауаны тазартатын, табиғатқа ерекше көрік беретін өсімдік. Осындай игі істерді жалғастыра береміз», – деп атап өтті.
