Биыл Қазақстанның мемлекеттік статистика жүйесі құрылғанына 105 жыл толып, айтулы датаны атап өтуде. Отандық статистика тарихы қазақ мемлекеттілігінің даму тарихымен тығыз байланысты.
Мәліметтерді жинақтау және талдау жүйесі 20 ғасырдың басында халық, ауыл шаруашылығы және экономика туралы нақты ақпарат қажеттілігі кең аумақтарды басқару үшін маңызды бола бастаған кезде қалыптасты.
1920 жылы 8 қарашада Қазақ АССР Статистика басқармасы құрылып, кейін Қазақстан Республикасының Статистика жөніндегі агенттігіне айналды. Бүгінде – Қазақстан Республикасы Стратегиялық жоспарлау және реформалар агенттігінің Ұлттық статистика бюросы деп аталады.
Әр жылдары және күні бүгінге дейін статистиктер егін жинау, өнеркәсіптік өндіріс, көші-қон процестері, халықтың өмір сүру деңгейі туралы мәліметтерді тіркеп, мемлекеттік органдарды, кәсіпорындар мен азаматтарды өзекті және сенімді ақпаратпен қамтамасыз етіп келеді.
Қордай аудандық статистика басқармасы ұқыптылық, жауапкершілік, объективтілік жай сөз емес, кәсіби кредо болып табылатын ұйымшыл ұжым. Мұндағы ұжымда статистикаға ондаған жыл өмірін арнаған адамдар жұмыс істейді. Жас мамандар аға буынның тәжірибесін үйреніп, деректерді өңдеудің заманауи технологияларын белсенді түрде игеріп, мемлекеттік қызметтердің цифрлық трансформациясына қатысуда. Басқармада Темірова Венера Нұрмаханбетқызы басшылық етеді.
Ресми есептердегі әрбір цифра аймақтағы өмірдің шынайы бейнесін көрсететініне көз жеткізу үшін статистика мамандары күн сайын үлкен көлемдегі ақпаратты жинап, талдайды. Олардың жұмысы көбіне көзге көрінбейді, дегенмен ел экономикасы мен әлеуметтік саясаты құрылатын деректер базасы статистиктердің арқасында қалыптасады. Бүгінгі таңда статистикалық қызмет ауыл шаруашылығын электронды санақтан бастап онлайн сауалнамалар мен автоматтандырылған есеп жүйелеріне дейін инновацияларды белсенді түрде енгізуде.
Статистика басқармасының ұжымы осы үдерістерді дамытуға, деректердің сапасы мен ашықтығын арттыруға, оның халыққа қолжетімділігін қамтамасыз етуге зор үлес қосуда!
Мерейтой – бұл өткенге көз жүгірту ғана емес, сонымен бірге бастауында тұрған және бүгінде жұмысын жалғастырып келе жатқан мамандарға алғыс айту мүмкіндігі.
Өз ісіне деген сүйіспеншілік басты бағдар болып, ал статистика бұрынғыдай еліміздің дамуында сенімді көмекші бола берсін!
