2026 жылдың алғашқы тоқсанында Жамбыл облысының әлеуметтік-экономикалық даму көрсеткіштері айтарлықтай өсім көрсетті. Қаңтар-наурыз айларының қорытындысы бойынша өңір экономикасының өсімі 118,4 пайызды құрап, барлық негізгі салаларда оң динамика қалыптасты, деп хабарлайды baq-orda.kz.
Бұл туралы облыс әкімінің бірінші орынбасары Нұржан Календеров төрағалық еткен әкімдік мәжілісінде мәлім болды. Экономика және бюджеттік жоспарлау басқармасының басшысы Сандуғаш Абдралиева есепті кезеңде барлық салалардағы өндіріс көлемінің артуы экономикалық өсімнің негізгі факторы болғанын атап өтті.
