Қыста салқын тигізіп алмаудың және үсіп қалмаудың жолдарын, сосын егер осындай жағдайға тап болсаңыз не істеу қажеттігін біле жүру керек. Салқын тигізіп алмау мен үсіп қалмаудың қарапайым амалдарын ТЖМ ұсынып отыр.
Алкогольдік ішімдіктер ішпеңіз. Мас адамның денесі тез тоңазиды. Үсік алғандығы туралы белгілерге назар аудара алмайды.
Суықта темекі шекпеңіз. Темекі шегу адамның перифериялық қан айналымын азайтады, аяқ-қолды әлсіретеді.
Кең киім киіңіз. Бұл қанның қалыпты айналымына ықпал етеді. Сыртқы киім міндетті түрде су өткізбейтін болуы керек.
Қолғапсыз, қалпақсыз және шарфсыз аязға шықпаңыз. Желді, суық ауа райында, сыртқа шықпас бұрын, дененің ашық жерлеріне арнайы крем жағыңыз.
Аязда ұзақ серуендегеннен кейін үйге оралғанда, аяқ-қолдың, арқаның, құлақтың, мұрынның және т.б. үсіп қалмағанына көз жеткізіңіз.
Серуендеу кезінде сіз тоңғаныңызды сезсеңіз, жылыну үшін мүмкіндігінше кез-келген жылы жерге, атап айтқанда дүкенге, дәмханаға, үйге кіріңіз.
Егер сіздің көлігіңіз елді мекеннен алыс немесе бейтаныс жерде тоқтап қалса, көлікте қалып, телефон арқылы көмек сұрағаныңыз жөн немесе жолда басқа көліктің өтуін күткен дұрыс.
Желден қорғаныңыз. Желде үсік алу ықтималдығы әлдеқайда жоғары.
Суықта ұзақ серуендеу үшін өзіңізбен бірге ауыстыратын бір-екі шұлық, қолғап және ыстық шай термосын алып жүрген жөн.
Балаларда дененің жылу реттелуі әлі толық қалыптаспағанын есте ұстаған жөн. Сондықтан баланы аязды күні далаға серуендеуге жібергенде, оған әр 15-20 минут сайын жылы жерге кіру керек екенін айтуды ұмытпаңыз.
Сондай-ақ Төтенше жағдайлар министрлігі үсік шалу оқиғасы болған жағдайда 112 нөміріне телефон соғуды ескертеді.
Азамат ҚОЙШЫҒАРА
