Таяуда Тайландтың Чиангмай қаласында бокстан Азия чемпионатында жерлесіміз Диас Молжігітов күміс жүлдегер атанды.
Жартылай финалда 75 келіге дейінгі салмақ дәрежесінде украиналық Павел Илюшамен жекпе-жек өткізіп нәтижесінде төрешілердің бағалауымен Диастың пайдасына шешілді. Осылайша жерлесіміз Чиангмайда өтіп жатқан бокстан Азия біріншілігінің жартылай финалына жолдама алды. Финалда 75 келі салмақта жұдырықтасқан боксшымыз Диас Молжігітов ел қоржынына бесінші күміс медалді салды.
Айта кетейік, Қордай ауданының тумасы Диас Молжігітов бокстан спорт шебері, Қазақстан Республикасы құрама командасының мүшесі. Қазақстан Республикасының жастар арасындағы бокстан екі дүркін чемпионы, 2021 жылы өткен әлем чемпионатының жүлдегері, Венгрия мен Болгарияда өткен халықаралық турнирлердің жеңімпазы, ҚР ерлер арасында чемпионы. 2022 жылдың қаңтар айында Тайланд астанасы Бангкок қаласында бокстан 22 жасқа дейінгі Азия жастары біріншілігінде де финалға жетіп, байрақты бәсекенің күміс жүлдегері атанды, Астана қаласында өткен VI жазғы Спартакиада ойындарының жеңімпазы. Сонымен қатар, биыл Белградта өткен бокстан халықаралық турнирде 75 келі салмақ дәрежесінде сынға түсіп, жеңіске жеткен, жастар арасында Азия чемпионы атанған. Жерлесімізді кезекті жүлдесімен құттықтаймыз!
