Әлем жұртшылығы мамыр айының үшінші жексенбісінде ЖИТС-тан (СПИД-тен) көз жұмғандарды еске алу күнін атап өтеді. Бұл күн – індет салдарынан өмірден өткен миллиондаған адамдардың рухына тағзым ету ғана емес, сонымен қатар аурудың алдын алудың, дер кезінде анықтаудың және ВИЧ жұқтырған жандарды қолдаудың маңыздылығын еске салар сәт.
Эпидемия басталғалы бері ЖИТС бүкіл әлемде 40 миллионнан астам адамның өмірін жалмады. Заманауи медицинадағы елеулі жетістіктерге қарамастан, ВИЧ әлі де жаһандық денсаулық сақтау жүйесіне зор қауіп төндіріп отыр.
Бүгін біз өмір үшін күресіп жүрген әрбір жанмен – осы індетпен өмір сүріп жатқан адамдармен, қымбаттысын жоғалтқан отбасылармен, күн сайын науқастарға үміт сыйлап жүрген дәрігерлермен, медбикелермен, еріктілермен және қоғамдық денсаулық сақтау саласының мамандарымен бірге екенімізді білдіреміз.
Естен шығармайық: ВИЧ – үкім емес. Ерте анықталып, қажетті ем-дом уақытылы басталса, адам өмірін толыққанды әрі сапалы жалғастыра алады. Ол үшін қоғамда жан-жақты білім, ақпаратқа қолжетімділік және стигма мен кемсітуден арылу қажет.
Еске алу. Қолдау. Іс-қимыл.
Осы үш сөз – бұл күннің мәнін ашатын негізгі ұғымдар. Олар біздің де ұстанымымызға айналуы тиіс – әр адамның өмірі мен денсаулығы үшін бірге әрекет етейік.
