Қордай ауылында жол қозғалысы қауіпсіздігін арттыру бағытындағы жұмыстар жүйелі түрде жалғасуда. Осы орайда Өтеген батыр мен Домалақ ана көшелерінің қиылысында орналасқан ақаулы бағдаршам толықтай жаңасына ауыстырылуда.
Жүргізілген жөндеу және жаңарту жұмыстарының нәтижесінде жаңа бағдаршам орнатылып, тиісті техникалық қызмет көрсетіліп, толық іске қосылатын болады.
Аталған шаралар көлік жүргізушілері мен жаяу жүргіншілердің қауіпсіздігін қамтамасыз етуге бағытталған. Алдағы уақытта да ауыл аумағында жол инфрақұрылымын жақсарту жұмыстары тұрақты түрде жалғасын табады.
