Бүгінгі таңда мекеме қызметінің басты бағыттарының бірі – қоршаған ортаны, табиғи ресурстарды қорғау және ұжымда жоғары қызметтік тәртіпті қалыптастыру. Табиғатты аялаумен қатар, сыбайлас жемқорлықтың алдын алу, әділдік пен адалдық мәдениетін орнықтыру – әрбір қызметкердің басты міндеті болуы тиіс.
Сыбайлас жемқорлықпен күрес сырттан немесе өзгеден талап етуден емес, әркімнің өзінен басталуы қажет. Қоғамды тазарту үшін әрбір азамат өзінің күнделікті іс-әрекетіне, шешімдеріне және заң алдындағы жауапкершілігіне абай болғаны жөн.
Адалдық дегеніміз – үлкен ұғым. Ол мынадай қарапайым әрі маңызды қағидалардан тұрады:
Заңдылық пен тазалық: Пара бермеу, пара алмау және заң шеңберінен шықпау – адал азаматтың басты ұстанымы.
Кәсіби жауапкершілік: Өз қызметтік міндетін сапалы әрі мүлтіксіз орындау, кез келген мәселеде әділ шешім қабылдау – елге және өз ісіне деген шынайы құрметтің көрінісі.
Табиғатқа жанашырлық: Қоршаған ортаны қорғау – бұл да адалдық. Табиғат байлығын сақтау арқылы біз болашағымызды, келешек ұрпақтың амандығын қамтамасыз етеміз.
Адал қызмет атқарылған жерде ғана әділетті қоғам қалыптасады. Ел дамуы мен табиғат байлығын сақтау жолында бірлігімізді көрсетіп, адалдық құндылықтарын бірге дәріптейік!
«Қарақоныз» ормандарды және жануарлар дүниесін қорғау жөніндегі мекемесі КММ
