Қордай аудандық орталықтандырылған кітапханалар жүйесіне қарасты жасөспірімдер мен балалар кітапханасының ұйымдастыруымен қазақ әдебиетінің көрнекті өкілі, жазушы әрі аудармашы Сайын Мұратбековтің туғанына 90 жыл толуына орай «Авангард» мектебінің 4-сынып оқушыларының қатысуымен танымдық іс-шара өткізілді.
Сайын Мұратбеков – қазақ прозасында өзіндік қолтаңбасын қалдырған көрнекті қаламгер. Оның шығармаларында ауыл өмірі, адамгершілік, туған жерге деген сүйіспеншілік пен адам жанының нәзік сезімдері шынайы бейнеленген.
