Жаңа жолаушылар вагондарынан жасақталған екі пойызға билет сату басталды
Олар Астанадан Алматы мен Семей бағытында қатынайды, деп хабарлайды Jambylinfo.kz
Атап айтқанда, №3/4 «Нұрлы жол – Алматы-2» пойызы алғашқы сапарына 11 қарашада, ал №153/154 «Нұрлы жол – Семей» пойызы 13 қарашада аттанады. Билеттерді ресми сайттан немесе теміржол вокзалдарының кассаларынан сатып алуға болады.
Жаңа вагондар Мемлекет басшысының жолаушылар пойызы паркін жаңарту жөніндегі тапсырмасы аясында іске қосылып отыр. Келісімшартқа сәйкес, 2030 жылға дейін Stadler Kazakhstan зауытында өндірілген 557 вагон кезең-кезеңімен жеткізіледі.
