ҚАРАДЖАНОВ ЖАНДОС НАЙМАНБАЙҰЛЫНЫҢ САЙЛАУАЛДЫ БАҒДАРЛАМАСЫ

0

«Respublica» партиясынан №9 бірмандаттық аумақтық сайлау округі бойынша Қордай аудандық мәслихатының депутаттығына кандидат ҚАРАДЖАНОВ ЖАНДОС НАЙМАНБАЙҰЛЫ

ӨМІРБАЯН

Қараджанов Жандос Найманбайұлының басты мақсаты – Қордай ауылының әлеуметтік-экономикалық дамуына, халықтың өмір сүру сапасын арттыруға және тұрғындардың өзекті мәселелерін шешуге ықпал ету.

Оның қызметінің негізгі қағидаттары – ашықтық, жауапкершілік, халықпен тұрақты диалог орнату және сайлау округінің мәселелерін шешуге практикалық тұрғыдан қарау. Кандидат абаттандыру, әлеуметтік инфрақұрылымды дамыту, құрылыс сапасы мен тұрғындардың қауіпсіздігі мәселелеріне ерекше назар аударуды көздейді.

Қордай аудандық мәслихатының депутаты болып сайланған жағдайда, ол өз күш-жігерін төмендегі бағыттарға шоғырландыруды жоспарлайды:

САЙЛАУАЛДЫ БАҒДАРЛАМА

  1. Тұрғын үй аумақтарын абаттандыру және қауіпсіздігін қамтамасыз ету.

Тұрғын үйлердің аулаларын кешенді абаттандыруға, балалар ойын алаңдарын жабдықтау мен жаңартуға, тұрғындардың демалуына қолайлы орындар құруға ықпал ету. Тұрмыстық қалдықтарды уақытылы шығару, санитарлық нормаларды сақтау, көше жарықтандыруын жақсарту және қоғамдық тәртіпті сақтау мәселелерін көтеру. Тұрғын үйлердің ортақ мүлкінің жай-күйі мен коммуналдық қызмет көрсету сапасына ерекше назар аударылады.

  1. Құрылыс сапасы мен қауіпсіздігі.

Қордай ауылында тұрғын үйлер мен әлеуметтік нысандарды салу кезінде құрылыс нормаларының, жобалық талаптардың және белгіленген мерзімдердің сақталуына депутаттық бақылау жүргізу. Құрылыс жұмыстарының тиісті сапада орындалуына, қауіпсіздік талаптарының сақталуына және болашақ тұрғындардың құқықтары мен мүдделерінің қорғалуына ықпал ету. Құрылыс сапасы мен нысандарды пайдалануға беру мәселелеріне байланысты тұрғындардың өтініштерін қарау маңызды бағыттардың бірі болады.

  1. Денсаулық сақтау саласын дамыту.

Аудандық орталық аурухананың материалдық-техникалық базасын нығайтуға, оны заманауи медициналық жабдықтармен қамтамасыз етуге және медицина қызметкерлерінің еңбек жағдайларын жақсартуға ықпал ету. Медициналық көмектің қолжетімділігі мен сапасын арттыруға, пациенттер үшін ұйымдастырушылық қиындықтарды азайтуға және келушілерге қолайлы жағдай жасауға бағытталған бастамаларды қолдау. Сондай-ақ аурухана аумағын абаттандыруға, автотұрақ орындарын ұйымдастыруға және нысанның санитарлық жағдайына назар аударылады.

  1. Қоғамдық және әлеуметтік нысандарды дамыту.

Халыққа қызмет көрсету орталығы, Достық үйі және сот ғимараты құрылыстарының сапалы аяқталуына ықпал ету. Құрылыс талаптарының сақталуы, іргелес аумақтарды абаттандыру, автотұрақтарды ұйымдастыру және келушілерге қолайлы жағдай жасау мәселелерін көтеру. Мүмкіндігі шектеулі азаматтар мен жүріп-тұруы шектеулі адамдардың мемлекеттік және қоғамдық мекемелерге еркін әрі ыңғайлы қол жеткізуін қамтамасыз ететін кедергісіз орта қалыптастыру жеке басымдықтардың бірі болады.

  1. Инфрақұрылымды дамыту және ауылды абаттандыру.

Автомобиль жолдары мен жаяу жүргіншілер жолдарын жөндеу, көше жарықтандыруын жаңғырту және қоғамдық кеңістіктердің жағдайын жақсарту жөніндегі бастамаларды қолдау. Автокөлік қозғалысы мен тұрақ орындарын ұйымдастыру, қоқысты уақытылы шығару және санитарлық тазалықты сақтау мәселелерін шешуге ықпал ету. Жаяу жүргіншілердің, оның ішінде балалар мен қарт адамдардың қауіпсіздігіне, сондай-ақ Қордай ауылының аумағын көгалдандыру мен абаттандыруға ерекше мән беріледі.

БАСТЫ БАСЫМДЫҚ – ТҰРҒЫНДАРДЫҢ МҮДДЕСІ

Leave A Reply

Your email address will not be published.