Мұндай жағдайлар жиі кездеседі және қарапайым тұтынушыға әрдайым байқалмайды. Біреу баға белгісіне қарап қателескен жоқ па деп ойлана бастаса, енді бірі дау-дамайға уақыт жұмсағысы келмей, кассада анықталған құнмен келіседі. Біреу тауарды алудан бас тартады. Қазақстан Республикасы сауда және интеграция министрлігінің Тұтынушылардың құқықтарын қорғау комитетінің өкілі Кулагина Алия Қажыкенқызы осындай жағдайда өзін қалай ұстау керектігіне жауап берді.
«Кассадағы бағаның көрсетілгеннен өзгеше екенін көріп, залға барып, қажетті тауардың бағасын суретке түсіру керек. Содан кейін сіз дүкен әкімшісін шақырып, оған тұтынушы құқықтарының бұзылу фактісі туралы, атап айтқанда бағаның айырмашылығы туралы хабарлауыңыз керек.
Мәселен, «Тұтынушылардың құқықтарын қорғау туралы» Қазақстан Республикасы Заңының 24 — бабында сатушы тауарды сауда объектісінің ішкі және сыртқы витриналарына қойылған баға жапсырмасымен ресімделген көрсетілген құнға сәйкес сатуға міндетті делінген.
Себебі, ҚР Азаматтық Кодексінің 447 – бабына сәйкес, тауарды белгілі бір бағамен сатып алу туралы ұсыныс-бұл жария оферта. Ал тауардың баға белгісі ұсыныстың дәлелі болып табылады. Осылайша, сатып алушы тауарды жаңадан қойылған бағаға келіспей, баға белгісінде көрсетілген бағамен сатуды талап етуге құқылы», — деп хабарлайды Әлия Қажыкенқызы.
«Сонымен қатар, егер сатушы қорытынды бағаны затбелгіде көрсетілгеннен жоғары қойса немесе тауарға баға белгісі болмаса, онда ол ҚР Әкімшілік құқық бұзушылық туралы кодексінің 193-бабының 4 және 5-бөліктеріне сәйкес кәсіпкерлік субъектісінің санатына қарай 200 АЕК дейін жаза алады. Егер тауар баға белгісінде көрсетілген бағамен сатылмаса, тұтынушы сатушыдан артық төленген соманы қайтаруды талап етуге құқылы.
Егер сауда нүктесінің әкімшілігі қайтарудан бас тартса, сатып алушы баға белгілеуінде көрсетілген сома мен нақты алынған сома арасындағы айырмашылықты төлеуді талап етіп, кәсіпкердің атына шағым жазуға құқылы. Егер сауда объектісінің басшылығы жазбаша шағымға жауап бермесе және ақшаны күнтізбелік 10 күн ішінде қайтармаса, тұтынушы тұтынушылардың құқықтарын қорғау саласындағы функцияларды жүзеге асыратын мемлекеттік органға немесе тұтыну дауын сотқа дейін реттеу субъектісіне өтінішпен жүгіне алады», — деп хабарлайды департамент өкілі.
Тұтынушылардың құқықтары «тұтынушылардың құқықтарын қорғау туралы» Қазақстан Республикасының Заңымен қорғалғанын естеріңізге саламыз. Сатушылар мен қызмет көрсетушілерден заң талаптарын сақтауды сұраймыз.
Департаментке E-otinish азаматтардың барлық өтініштерін қабылдау мен өңдеудің бірыңғай платформасы, тұтынушылардың құқықтарын қорғау бойынша шағымдарды қабылдау платформасы E-tutynushy: https://e-tutynushy.kz. Департаментке қағаз өтінішпен де жүгінуге болады.
Қазақстан Республикасы сауда және интеграция министрлігінің Тұтынушылардың құқықтарын қорғау комитеті.
