Ағымдағы жылы Жамбыл облысында ауа райының қолайсыздығына байланысты көктемгі дала жұмыстары былтырғы жылмен салыстырғанда кеш басталды. Соған қарамастан, жұмыстар белгіленген жоспарға сәйкес кезең-кезеңімен жүргізіліп жатыр, деп хабарлайды baq-orda.kz.
Бүгінгі күні 19,9 мың гектар алқапта жер жырту жұмыстары жүргізіліп, бұл жоспардың 12,0%-ын құрайды. Сонымен қатар 21,3 мың гектар жер егіске дайындалып, 10,1 мың гектар алқапқа жаздық масақты дақылдар себілді. Бұдан бөлек, 570 гектарға көпжылдық шөп, 460 гектарға көкөніс дақылдары егілді
