«NSA Agro» жауапкершілігі шектеулі серіктестігінің ұйымдастыруымен, Жамбыл облысы әкімдігінің қолдауымен «FM World» ауыл шаруашылық техникалары тақырыбында Масаншы ауылдық округінде семинар өткізілді
Семинарға 30-дан астам шаруа қожалықтары қатысты. Сонымен қатар, «NSA Agro» ЖШС компаниясы жаңартылған трактор маркаларымен таныстырды. Компания техника сатумен қатар, қосалқы бөлшектер, сервистік қызмет көрсетумен айналысады. Сондай-ақ, семинар барысында аталған компанияның Жамбыл облысындағы филиалының менеджері Дәурен Жалғасов ауданымыздағы шаруа қожалық жетекшілеріне ең соңғы қондырғылармен жабдықталған ауылшаруашылығы мақсатындағы техникаларды жан-жақты таныстырып, мемлекет тарапынан берілетін көмектер мен ауыл шаруашылығы техникасына қандай жоба бойынша қол жеткізу мүмкін екендігін егжей-тегжейлі түсіндірді. Ауыл шаруашылығы субьектілерін, бизнес өкілдерін қолдай отырып, баға тұрақтылығын қамтамасыз ету, ауыл шаруашылығын дамыту бойынша жаңа тәсілдер мен технологияларды енгізу жолдарын талқылау шараның басты мақсаты.
«FM World» маркалы тракторларын және тіркемелі агрегаттарын түрлі мемлекеттік бағдарламалар және лизинг арқылы 30% субсидиямен алуға болады. Шара нәтижесінде «Малик» шаруа қожалығының жетекшісі жеңілдетілген пайызбен 1 дана FM World 1104M маркалы тракторына қол жеткізді. Ал дәл осындай заманауи техникаларды қолданысқа енгізбей, менеджментті жақсартпай оған қол жеткізу мүмкін емес. Сол себепті де ауданымыздағы шаруалар бұл мүмкіндікті мүлт жібермеуі тиіс.
