Қордай аудандық сотымен тіркеусіз діни қызметпен айналысқан ауыл тұрғынына қатысты әкімшілік іс қаралды. (ӘҚБтК-нің 490-б. 3-б.)
2024 жылдың маусым айында Қордай ауданының Қарасу ауылында азаматша Ю. миссионерлiк қызметтi заңсыз жүзеге асырған, яғни тіркеусіз жиырмаға жуық кәмелетке толмаған балаларды діни наным-сенімге оқытумен айналысқан.
Сотта кінәсін мойындап, жасаған әрекетіне өкініш білдірді.
ӘҚБтК-нің 490-б. 3-б. санкциясы 100 АЕК түріндегі әкімшілік айыппұлды көздейді.
Сот жаза тағайындау кезінде жауапкершілікті жеңілдететін мән-жайлар ретінде кінәсін мойындауын таныды. Ауырлататын мән-жайлар сотпен анықталған жоқ.
Сот қаулысымен азаматша Ю. ӘҚБтК-нің 490-б. 3-б. бойынша әкімшілік жазаға тартылып, оған 360 мың теңге әкімшілік айыппұл салынды.
Қаулы заңды күшіне енді.
