Қазақстан Республикасы Сауда және интеграция министрінің 2025 жылғы 23 желтоқсандағы № 362-нқ бұйрығымен әлеуметтік маңызы бар азық — түлік тауарларының кеңейтілген тізбесі бекітілді 19-дан 31-ге дейін. Аталған тауарларға қатысты жергілікті атқарушы органдар бағаларға күшейтілген бақылау мен жүйелі мониторинг жүргізеді.
Мониторинг үйдің жанында» дүкендерде, азық-түлік базарларында және сауда желілерінде жүзеге асырылады. Негізгі мақсат — рұқсат етілген сауда үстемесінің сақталуын қамтамасыз ету (сатып алу бағасының 15%-дан аспайтын деңгейде), сондай-ақ бағаның негізсіз өсуін болдырмау.
Кәсіпкерлік субъектілерімен жүргізілетін жұмыс шеңберінде заңнаманың талаптарын түсіндіру жүзеге асырылады, консультациялар жүргізіледі және ақпараттық материалдар таратылады.
Бұзушылықтар анықталған жағдайда ҚР ӘҚБтК-нің 204-4-бабына сәйкес әкімшілік жауапкершілік көзделген. Айыппұлдар:
— жеке тұлғалар мен шағын кәсіпкерлік субъектілері үшін
— 5 АЕК;
— орта кәсіпкерлік субъектілері үшін — 35 АЕК;
— ірі кәсіпкерлік субъектілері үшін — 150 АЕК.
Айыппұл салынғаннан кейін бір жыл ішінде қайталап бұзу екі есе мөлшерде айыппұл салуға әкеп соғады.
Бұйрыққа қосымша
Әлеуметтік маңызы бар азық-түлік тауарлары
| Р/с № | Тауардың атауы |
| 1 | Бірінші сортты бидай ұны |
| 2 | Бірінші сортты бидай ұнынан жасалған нан (пішінді) |
| 3 | Рожки |
| 4 | Қарақұмық жармасы (дән) |
| 5 | Тазартылған күріш (домалақ дәнді) |
| 6 | Картоп |
| 7 | Асханалық сәбіз |
| 8 | Басты пияз |
| 9 | Ақ қауданды қырыққабат |
| 10 | Қызанақ («черри», «жүзім» сорттарынан басқа) |
| 11 | Қияр («корнишондар»сортынан басқа) |
| 12 | Алма |
| 13 | Ақ қант – құмшекер |
| 14 | Күнбағыс майы |
| 15 | Сүйегі бар сиыр еті |
| 16 | Сүйексіз сиыр еті |
| 17 | Тартылған ет |
| 18 | Қой еті, оның ішінде сүйексіз |
| 19 | Жылқы еті, оның ішінде сүйексіз |
| 20 | Жаңа ауланған, салқындатылған және мұздатылған балық (табан, мөңке, көксерке, тұқы, сазан) |
| 21 | Тауық еті (тауық жамбасы, сирағы, сан еті) |
| 22 | Тауық (ұшасы) |
| 23 | Майлылығы 2,2-6% пастерленген, ультра пастерленген, зарарсыздандырылған сүт дәмдік қоспалары жоқ (лактозасызды қоспағанда) |
| 24 | Майлылығы 2-3 % айран (лактозасызды қоспағанда) |
| 25 | Қаймақ (лактозасызды қоспағанда) |
| 26 | Майлылығы 5-9% сүзбе (лактозасызды қоспағанда) |
| 27 | Майлылығы 40-50% қатты, жарлытай қатты ірімшік |
| 28 | Сары май (тұздалмаған, майлылығы 72,5%-дан 80%-ға дейін, толықтырғыштар және өсімдік майлары жоқ) |
| 29 | Тауық жұмыртқасы (I санатты) |
| 30 | Қара шай (дәмдік қоспалары жоқ, пакеттелгендерден басқа) |
| 31 | Ac тұзы («Экстра»-дан басқа) |
Қордай ауданы әкімдігінің кәсіпкерлік, өнеркәсіп және туризм бөлімі
