Жақсы ісімен жерлестер есінде қалған тұлғалар баршылық. Солардың бірі – Керімбала Байбекова. Жұбайы Жұмаділ Байбековпен бірге 4 ұл, 5 қыз тәрбиелеп өсірді. Барлығы лайықты білім алып, жоғары оқу орындарын бітірді.
Отағасы Жұмаділ Байбеков ұзақ жылдар мал дәрігері болып, Қордай ауданындағы Бетқайнар ауылында бөлім меңгерушісі, мал фермасының меңгерушісі болып жауапты қызметтер атқарды. Өндірістік тәжірибеден өтуге келген студенттердің барлығы дерлік әкемізден тәлім алды. Өз ісінің нағыз маманы болғандықтан, жастарға білімі мен тәжірибесін жомарттықпен жеткізді. Өмірінің соңына дейін мектептің ата-аналар комитетінің төрағасы болды. Әкеміз өзінің зерделілігімен, салмақтылығымен, жылы лебізімен ерекшеленетін. Ол 59 жасында дүниеден өтті.
Сондай-ақ бастамашыл және сүйкімді адам болды. Ол музыканы, биді жақсы көретін, анамыз отбасылық мерекелерде тойбастар» бастағанда қуана қолдайтын. Қыс айларында кештерде бізбен бірге шахмат, домино ойнап, ән айтатын. Сүйікті туындыларымыздың бірі – өмір бойы есте қалатын Ақан Серінің «Қара Торғай» әні.
Ата-анамыздың достары, таныстары, әріптестері көп болды. Олардың ішінде: Сабиров Әбдікерім – «Жаңа-тұрмыс» колхозының төрағасы, Иманалиев Рашхан – Успеновка (қазіргі Бетқайнар) ауылының бас дәрігері, Хван Владимир, Сон Константин – Роза Люксембург атындағы совхоздың жетекші мамандары., Б.Нигай – экономика ғылымдарының кандидаты, Қазақ ғылыми-зерттеу институты филиалының меңгерушісі.
Успеновка ауылы әрқашан көп ұлтты болды: қазақтар, кәрістер, немістер, орыстар, шешендер, әзірбайжандар тату-тәтті өмір сүрді. Роза Люксембург совхозын көп жылдар бойы В.Городецкий басқарды.
Әкеміз ветеринария қызметкерле-рімен және дәрігер Рашхан Иманәлі-ұлымен ерекше достық қарым-қаты-наста болды. Кәсібінің арқасында оларды бір-бірінің білімін толықтыра отырып, адамдар мен жануарларды емдеуге деген ұмтылыс біріктірді. Совхоздың экономикалық негізі осы болғандықтан ауыл шаруа-шылығындағы, әсіресе мал шаруа-шылығы мен жем-шөп өндірудегі өзекті мәселелерді талқылады. Совхоз өз өнімдерін Мәскеуде өткен Бүкілодақ-тық халық шаруашылығы жетістіктері көрмесіне әлденеше рет апарған.
1970 жылдары совхоз базасында профессор Б.Н.Нигай басшылығымен Қазақ ғылыми-зерттеу институтының филиалы жұмыс істеп тұрды. Әкеміз тәжірибелік дағдылары бар, ғылыми қызметкер болған. Совхоз базасында 1975 жылы Скрябин атындағы Ауыл шаруашылығы институтында диплом қорғады (Фрунзе, қазіргі Бішкек), одан кейін Алматыдағы Жоғары партия мектебінде «Р. Люксембург кеңшарында еңбек өнімділігін арттыру» (2000 ж.) тақырыбында еңбекті қорғады.
Менің әкем іріктеудің ең жақсы маманы болды. Облыстық ауыл шаруашылығы басқармасының тапсырмасымен Беларусь, Ресей, Литва елдерінен жоғары өнімді сиырлар сатып алумен айналысқан. Бұзауларға «Аврора» және «Авангард» деп ат қоятын. Әскери жылдарынан бастап «Авангард» деген сөзді ерекше ұнататын. 17 жасында, 1945 жылы Кеңес Армиясы қатарына шақырылды.
Әскери қимылдарға қатыспаған, бірақ еңбек майданында болған, оқып, еңбек еткені үшін «1941-1945 жылдардағы Ұлы Отан соғысындағы ерен еңбегі үшін» медалімен, мерейтойлық наградалар.
Анамыз Керімбала 20 жылдан астам өмірін балабақшадағы бала тәрбиесіне арнады. Балалық шағы ауыр өтті: 12 баланың ішінен ағасы Сейітжан екеуі ғана аман қалды. Аштық пен соғыс оның мінезін шыңдады. Жас кезінде тылда еңбек етіп, майданға киім тоқып, канал қазған. 1978 жылы «Еңбек ардагері» атағын алып, 2011 жылы «Алтын алқа» алқасымен, бірнеше мәрте Құрмет грамоталарымен марапатталды.
Ол дарынды тігінші болған: камзол, тон, сырмақ тіккен, кілем тоқыған, кесте тігетін. Ақындық қабілеті бар, қазақ ауыз әдебиетін жатқа білетін.
2015 жылы анамыздың құрметіне алғашқы «Керім бала» балабақшасы ашылды. Ал 2022 жылы Қордайда немересі Нұрланбек Болысбек атасы Жұмаділ Байбековтің құрметіне 500 орындық «Авангард» атты тұңғыш жеке гимназия салды. Мектеп инновациялық білім ордасы ретінде танылып үлгерді.
Құрамында «Керім бала» бала-бақшасы, «Авангард» бастауыш гимназиясы және «Көгершін» көпсалалы орталығы бар «Нұр-Ел» оқу-әдістемелік орталығының құрылғанына биыл 10 жыл толады.
Осы жылғы 9 мамырда Жұмаділ Байбековтың туғанына 100 толуына байланысты отбасы Ноғайбай би атындағы атшабарда бәйге өткізуді жоспарлап отыр.
Алғыспен және құрметпен, Ж.Байбековтың немерелері Нұрланбек, Ерланбек және Замир.
