1 шілде күні Қордай аудандық мәслихатының төрағасы Нұрдин Садықовтың төрағалығымен аудандық мәслихаттың сессиясы өтті. Сессия жұмысына депутаттардан бөлек аудан әкімінің орынбасары Дамира Сүгірбай, ауылдық округ әкімдері, аудандық Қоғамдық кеңес мүшелері қатысты.
Депутаттар ауылдық округтердің 2024-2026 жылдарға арналған бюджетіне өзгерістер енгізу туралы мәселені қарап, ол бойынша аудан әкімдігінің экономика және бюджеттік жоспарлау бөлімінің басшысы Светлана Абдужалиева толық ақпарат берді.
