«Бизнес үшін ең бастысы – реттеудің тұрақтылығы мен салынған күш-жігердің қорғалуы. Біз даму жоспарларын бірнеше жыл бұрын құрып қоямыз, сондықтан түсінікті әрі сенімді институционалдық орта қажет», – деді ол.
Әсіресе капиталы көп қажет ететін салалардағы кәсіпкерлер өз стратегияларын 7–10 жыл бұрын жоспарлайды. Жаңа Конституция жобасы кәсіпкерлік еркіндігін және мүлікке иелік ету құқығын бекітетін құқықтық негіз қалыптастырады. Монополиялық қызмет заңмен шектеліп, жосықсыз бәсекелестікке тыйым салынады, бұл нарықта барлығына тең жағдай жасайды.
«Күшті бизнес елдің өндірістік және кәсіпкерлік әлеуетін қалыптастырады. Ал қуатты экономика – мықты мемлекеттің негізі», – деп атап өтті Динара Шукижанова.
Оның пікірінше, өкілеттіктерді қайта бөлу және мемлекеттік институттардың есептілігін арттыру экономикалық саясаттың бірізділігін күшейтіп, реттеу саласындағы күрт өзгерістер тәуекелін азайтады.
