«Жұмысшы мамандықтар жылы» аясында Ноғайбай ауылдық округінің әкімі Е.Ешмұрат, ауыл тұрғыны, еңбек ардагерлері Ахан Бүлекбаев пен Төлепберген Құлбарақовтың үйлеріне арнайы барып, олардың ұзақ жылғы еңбектері үшін алғыс білдірді.
Ахан Жапсарбайұлы 1955 жылы 22 қарашада өмірге келген. Зейнетке шыққанша ұзақ жылдар № 35 орта мектепте мектеп директорының шаруашылық бойынша орынбасары болып қызмет атқарды. Зейнетке шыққаннан кейін ақсақалдар алқасының төрағасы болып, ауылдық округтің дамуына, қоғамдық іс-шаралардың өз деңгейінде өтуіне белсене атсалысып, жастарға үлгі-өнеге болып жүрген жан.
Төлепберген Қорғанбайұлы, 1954 жылы 25 тамызда Шарбақты ауылында дүниеге келген. 1971-1973 жылдары «Путь Ленина» колхозында жұмысшы болып еңбек жолын бастаса, кейін әскери борышын өтеп келген соң Тасқайнар ауылында бұрғылаушы, совхозда жұмысшы болып, еңбек көрігін қыздыруы. Қазір зейнет жасында.
Ауыл әкімі қос ардагерге мықты денсаулық, отбасыларына амандық тілеп, олардың өмір жолы өзгелерге үлгі екенін айтты.
