Аудан әкімі Бегзат Болатбековтың тапсырмасына сәйкес, Көгадыр ауылында асфальт-бетон қоспасын қолдана отырып, жолдарды ағымдағы жөндеу жұмыстары басталды. Бұл жоба ауыл тұрғындарының өмір сүру жағдайларын жақсарту мен инфрақұрылымды дамыту мақсатында қолға алынған.
Жол шұңқырларын бітеу жұмыстары Алға – Көгадыр аралығындағы 9 шақырымдық автомобиль жолдарын қамтитын болады. Жолдардың сапасын арттыру арқылы жол-көлік оқиғаларын азайту, тұрғындардың қозғалысын тиімді ету, сонымен қатар ауылішілік көлік қатынасын жақсарту көзделуде.
Аталған жұмыстар тұрғындарға – қозғалыстың жеңілдеуі, сонымен қатар ауыл арасындағы қатынас уақытын қысқартуға мүмкіндік береді. Жөндеу жұмыстары аяқталғаннан кейін, ауыл тұрғындары сапалы жолмен қамтамасыз етіліп, бұл ауыл өміріне жаңа серпін бермек.
Жөндеу жұмыстарын аудандық тұрғын-үй коммуналдық шаруашылығы жөніндегі кәсіпорны жүзеге асыруда. Коммуналдық шаруашылық – бұл жоба бойынша өзінің тәжірибесі мен біліміне сүйене отырып, жұмыстарды уақтылы және сапалы орындауға бар күшін салады.
Жол сапасының жақсаруымен – мектеп оқушыларының мектепке жетулері, сондай-ақ, басқа да мамандардың жұмысқа қатынаулары жеңілдеп, ауылдағы әлеуметтік өмірдің сапасы арта түседі.
Алдағы уақытта, жол жөндеу жұмыстарының нәтижелері ауыл тұрғындарына тек өмір сүру жағдайын жақсартумен шектелмей, аудан экономикасының дамуына да серпін бермек. Жолдардың сапасының артуы, ауыл тұрғындарының әлеуметтік жағдайының жақсаруына, көлік қатынасын тиімді пайдалануға жол ашады.
Осылайша, Көгадыр ауылындағы жол жөндеу жұмыстары тұрғындардың өмір сүруін жақсартуға, ауылдың инфрақұрылымын дамытуға бағытталған маңызды қадам болып табылады. Тұрғындардың қауіпсіздігі мен жайлылығын қамтамасыз ету мақсатында атқарылатын бұл жұмыстар аудан экономикасына да оң әсерін тигізетіні сөзсіз.
Әділет ҚҰТТЫБАЙ
