Мемлекеттік басқару жүйесі үшін талантты жастарды анықтау және тарту мақсатында Президенттік жастар кадр резервіне кезекті үшінші іріктеу жалғасуда. Іріктеуге өтінімдерді қабылдау 1 қыркүйектен — 30 қыркүйек аралығында pkrezerv.gov.kz сайтында қолжетімді.
Іріктеуге жасы 35-тен аспаған, жоғары білімі және 5 жыл жалпы жұмыс тәжірибесі бар, қазақ тілін меңгерген (В1 деңгейінен төмен емес) Қазақстан Республикасының азаматы қатыса алады.
Биыл іріктеу келесі бағыттар бойынша жүргізіледі:
Инфрақұрылымды, өнеркәсіпті дамыту және сауда саясаты;
Агроөнеркәсіптік кешен және қоршаған ортаны қорғау;
Сыртқы саясат және инвестициялар;
Экономикалық және қаржылық саясат;
Цифрландыру;
Әлеуметтік саясат және азаматтық қоғам.
Іріктеу 6 кезең бойынша өткізіледі:
Құжаттарды қабылдау;
Мәтіндік және сандық ақпаратпен жұмыс істеу қабілетін бағалау;
Ситуациялық тапсырмаларды шешу;
Құзыреттерді бағалау (Assessment center және HR-сұхбат);
Сарапшылық комиссияда әңгімелесу;
Ұлттық комиссия отырысы.
Іріктеу қорытындысы бойынша 50 кандидат резервке алынады. Жеңімпаздар ағымдағы жылғы желтоқсанда жарияланады.
