Көктемгі дала жұмыстары — ауыл шаруашылығының маңызды кезеңдерінің бірі. Дала жұмыстарының сапалы және уақытылы өтуі — мол өнім алудың негізі болып табылады. 2025 жылы ауданда көктемгі егіс науқаны аясында егін егу, су үнемдеу технологияларын енгізу және минералды тыңайтқыштарды қолдану жоспарлары кең ауқымда жүзеге асырылады, деп күтілуде. Осы орайда аудан әкімдігінің ауыл шаруашылығы бөлімі берген мәліметтермен бөліскенді жөн көрдік.
Биылғы жылға жоспарланған егістік жер көлемі 137,8 мың гектар екен. Оның ішінде негізгі дақылдар саналатын күздік бидай — 17 мың га, жаздық арпа — 39 мың га, көкөніс — 4,07 мың га, бақша дақылдары — 0,3 мың га, картоп — 2,8 мың га, дәндік жүгері — 8 мың га, қант қызылшасы — 0,63 мың га, сафлор — 0,2 га себу жоспарланып отыр. Сонымен қатар былтығы жылмен салыстырғанда кейбір дақылдар көлемі арта түскенін байқасақ, ал кейбірі керісінше кеміген. Ол, әрине экономикалық және өзге де жағдайларға байланысты өзгеріп отыратын құбылыс.
Осы орайда жалпы ауыл шаруашылығы бойынша өзге де бағыттарға тоқталып өтсек. Биыл аудан бойынша мал азығы дақылдары 103,4 мың га аумақтан жиналмақ. Ал, минералды тыңайтқыштар 13,2 мың тонна алу жоспарлануда екен. Су үнемдеу технологиясы 18 000 га жерге орнату көзделген. Оның ішінде 1000 гектарға тамшылатып суару қондырғылары орнатылады деп күтілуде.
Осы орайда ауыл шаруашылығы бойынша бірқатар ірі инвестициялық жобалар қолға алынбақ екен. Қысқаша тоқталсақ, биыл ауданда тауарлы сүт фермасы, мал бордақылау алаңы, тамшылатып суару қондырғылары және жаңа техника алу көзделіп, инфрақұрылымдылық жобалар ішінде көкөніс сақтау қоймаларын ашу, қайта өңдеу саласын дамыту іске асады, деп күтілуде екен. Салынатын қаржы да қомақты.
Жалпы, 2025 жылға арналған жоспарлар ауыл шаруашылығының барлық бағыттарын қамтып, өнім өндіру көлемін арттыруға, жаңа технологияларды енгізуге және инфрақұрылымды жақсартуға бағытталған. Жоспардың толық жүзеге асуы өңірдің экономикалық өсіміне оң ықпалын тигізеді дегенге сенім мол.
