Қордай ауылында абаттандыру және тазалық жұмыстары қыза түсті. Ауылдың негізгі көшелерін жуу басталды. Арнайы техника жол жиегі мен оған жақын аумақтарды шаң мен кірден тазартып, санитарлық тазалау жұмыстарын жүргізуде.
Жүргізіліп жатқан іс-шаралар ауылдың келбетін жақсартуға, тұрғындарға жайлы әрі таза орта жасауға бағытталған. Көшелерді үнемі тазарту тек тәртіпті сақтауға көмектесіп қана қоймайды, сонымен қатар қоғамдағы экологиялық санасын арттырады.
Мамандардың айтуынша, санитарлық тазалау және абаттандыру жұмыстары кезең-кезеңімен жүргізіліп, ауылдың негізгі көшелері мен қоғамдық аумақтарды қамтитын болады.
