31 қазан күні «AMANAT» партиясы Қордай аудандық филиалының кезектен тыс LIIІ конференциясы өтті. Ең алдымен күн тәртібіне сәйкес, аудандық делегаттары туралы мәлімет бойынша «AMANAT» партиясы Қордай аудандық филиалының кезектен тыс LIIІ конференциясы мандаттық комиссиясының төрағасы, «AMANAT» партиясы Қордай аудандық филиалының консультанты Аслан Таубалдиев баяндамасын оқып шықты.
Содан соң, «AMANAT» партиясының сайлауалды бағдарламасын іске асыру жөніндегі өңірлік партия аумақтық филиалының 2024 жылдың 9 айында атқарған жұмыстары туралы «AMANAT» партиясының төрағасы Бейқұт Жамангозов есеп берді.
Кейінгі баяндамашы, аудандық мәслихат төрағасы Нурдин Садыков шығып қалған мәслихат депутатының орнына кандидат ұсыну туралы айтты. Нурдин Есенгелдіұлы «AMANAT» партиясы қоғамдық бірлестігінен Жамбыл облысы Қордай аудандық мәслихаттың депутаттығына кандидаттыққа үміткер ретінде №3 сайлау округі бойынша Әмине Туншанло, ал №7 сайлау округі бойынша Мадина Аманбаева ұсынылды. Партия мүшелері бірдей дауыс беріп, ұсынысты қолдады.
Келесі кезекте «Жастар рухы» жастар қанатының жетекшісі, саяси кеңесінің мүшесі Алишер Аяпбереген өз баяндамасында «AMANAT» партиясы Жамбыл облыстық филиалының кезектен тыс конференциясына сайланатын делегаттар тізімін оқыды, барлығы 12 адам делегат болып баратынын мәлімдеді.
Содан соң, арнайы Тараз қаласынан келген «AMANAT» партиясы Жамбыл облыстық филиалы жанындағы «Жастар рухы» жастар қанатының төрағасы Ерғали Әбуғали да «AMANAT» партиясы Жамбыл облыстық филиалының атқарылған жқмыстары бойынша баяндама оқып берді.
Конференцияның соңына қарай жақында өткен Республика күні мерекесіне орай Бейқұт Тілебалдыұлы Қордай ауданының өркендеуіне үлес қосқан Төле Сүгірбай, Баян Қарамолдаева, Нурдин Садықов, Таня Апаева, Камилла Дургалова, Алибек Омар және тағы да басқа азаматтарды «AMANAT» партиясы Қордай аудандық филиалының Алғыс хаттарымен марапаттады.
Мадина УЗБЕКОВА
