Биыл Жамбыл облысында кітап оқу жылы. Осыған орай Қордай аудандық орталықтандырылған кітапхана жүйесіне қарасты балалар мен жасөпірімдер кітапханасында әр түрлі іс-шаралар өтуде.
Жақында Балжан Бөлтірікова атындағы №4 мектеп-лицейдің 8 «ә» сынып оқушылары сынып жетекшісі А.Кушенбаева және қазақ тілі және әдебиеті пәнінің мұғалімі А.Қырғызбектің жетекшілігімен Қордай аудандық кітапханасында іс-шара ұйымдастырылды. Іс-шара барысында оқушылар жазушы, драматург, мемлекеттік сыйлықтың лауреаты, «Құрмет» орденінің иегері және платиналы «Тарлан» сыйлығының лауреаты, Қазақстанның Еңбек Ері Дулат Исабековтың «Әпке» пьесасын оқып, сахналады. Іс-шара барысында кітапхана әдіскері Д.Баянбай жазушының өмірбаяны мен шығармашылығын таныстырып өтті. Д Исабековтың «Әпке» пьесасы арқылы үлкен тәлім-тәрбие алуға болады. Әпкесінің Бауырларына деген махаббаты, қамқорлығы туралы айтылған драманың басты кейіпкерлерін 8 «ә» сынып оқушылары А.Ануарбекова, Ү.Санжар, А.Мейірбек, Е.Дәулетбек, А.Мұрат, Д.Дүйсехан, А.Мұратбек, А.Ершыбұл, Ә.Бұтабай, Б.Сұлтан, А.Өмірбек сомдады. Оқушылар драмадағы кейіпкерлердің образын ашып қана қоймай, көрермендерді жүректі тебірентетіндей ыстық сезімге бөледі. Бүгінде қаламгердің еңбектері тек елімізде емес, сонымен қатар халықаралық режиссерлар мен өнер майталмандарының үлкен мәртебесіне ие.
Қордай аудандық кітапханасы
