Бүгінде Қордай ауданында астық ору науқаны қызған шақ. Демек, бұл шаруалар үшін ең маңызды уақыт. Комбайншылар мен механизаторлар күн шыққанда егіс алқабына шығып, түннің бір уағында жұмыстарын аяқтайды. Ал мұндай жұмыс қарқыны олар үшін үйреншікті құбылыс.
Қазір орақ науқаны жүріп жатқан Қордай ауданындағы «Қақпатас-Қордай» ЖШС-нің бидай алқабын аралап, көз жеткізгісіз сұлулықтың көрінісін көрдік. Бидай алқабын жел тербетіп, алтын түсті масақтар жалт-жұлт етеді. Бұл көрініс ұшы-қиырсыз алтын теңізге ұқсайды, оның әрбір қозғалысы күн сәулесінің жарқырауы мен жылуына назар аудартады. Картинаның ажырамас бөлігі – күн сәулесінде жарқыраған алтын теңізде жүзіп келе жатқан алып комбайн. Бұл қуатты да күрделі машинаны комбайншы Алексей Шворин сенімді басқарып келеді. Комбайнның дөңгелектері қалың өсімдіктер арасынан жайлап, бірақ сенімді түрде жылжып, жаткалары дән масақтарын жинап алуда. Бастырылған астықтың алтын тозаңы комбайн мұржасы арқылы айналаға үздіксіз ағыспен ұшып, ауаны жаңа егіннің хош иісіне толтыруда.
Алексей қазір оның алдында егінді уақытында және аз шығынмен жинап алу міндеті тұрғанын айтады. А.Шворин үшін комбайнда жұмыс істеу – жай кәсіп емес, өмірлік еңбек жолы. Ол механизаторлар әулетінен шыққан. Баяғыда атасы алып көлікті басқарып, әкесі де комбайншы болды. Қазір Алексей астық жинайтын машинаны басқаратын тәжірибелі механизатор. Бұл кәсіп әкеден балаға өтіп келе жатыр. Алексей өз көлігін ешкімге бермейді, ұстатпайды. Ерте көктемде ол ең маңызды шақта сәтсіздікке ұшырамас үшін бүкіл механизмді мұқият тексереді.
Бастауыш сыныпта оқып жүрген кездің өзінде жас жігіт өскенде кім болатынын білетін. Мектептен кейін Бетқайнар ауылындағы №7 колледжіне оқуға түсті. Содан біраз уақыт жол мекемесінде жұмыс істеді. Дегенмен, ол әрқашан оның жан қалауы жер өңдеу екенін түсінетін. Қазір Алексей «Қақпатас-Қордай» ЖШС-нің озат комбайншысы, таптырмас қызметкері.
-Бала күнімнен әкеме көмектесіп, комбайн тізгіндедім. Мен алғаш рульді басқаруға рұқсат бергенде қаншалықты бақытты болғаным әлі есімде. Ойлап қарасаңыз, менің бала кездегі арманым орындалды – қазір мен штурвалды тізгіндеп отырмын. Қазір «ES» астық жинайтын комбайнда жұмыс істеймін. Менің мамандығымның ең маңызды элементі – техниканы сезіну және жауапкершілікті түсіну. Егіс алқабына шықпас бұрын мен комбайнды күтіп ұстауды қамтитын арнайы рәсім жасаймын. Көлікті оталдырып, тыңдаймын. Сүзгілердің майлануын және тазартылуын тексеремін. Өзімнің алып темір тұлпарымен 800 тоннадай астық бастырдым», – дейді Алексей.
Алексей Швориннің еңбекқорлығы мен өз ісіне деген адалдығы тек әріптестерін ғана емес, сонымен қатар оны әрқашан көмектесуге және қолдауға дайын адам ретінде танитын жергілікті тұрғындарды таң қалдырады. Алексейдің әңгімесі өмір жолыңда туындауы мүмкін қиындықтар мен кедергілерге қарамастан, өз қалауыңды тауып, оны іске асырудың қаншалықты маңызды екенін көрсетеді.
Шолпан САБАНОВА
