23 наурызда Қордай аудандық аумақтық сайлау комиссиясы Қордай ауданы Степной ауылдық округі әкімінің сайлауын дайындау және өткізу мәселелері бойынша учаскелік сайлау комиссияларымен семинар-кеңес өткізді.
Семинар-кеңесті Қордай аудандық сайлау комиссиясының төрағасы А.Сырлыбаев ашты. Семинар-кеңесте учаскелік сайлау комиссияларының төрағаларына, орынбасарлары мен хатшыларына дауыс беруге арналған үй-жайды, сайлау учаскесіндегі дауыс беру пунктін жарақтандыру бойынша түсініктемелер, мүгедектігі бар азаматтар үшін дауыс беруге арналған үй-жайды жарақтандыру ерекшеліктері және сайлау комиссияларының құжаттамасын толтыру тәртібі, байқаушылардың қызметі мен олармен жұмыс істеуін қамтамасыз ету, сайлау науқандарын ақпараттық сүйемелдеу, шақыру қағаздарын тарату, дербес деректерді сақтау және учаскелік сайлау комиссиялары мүшелерінің еңбегіне ақы төлеу бойынша түсініктемелер келтірілді.
Қойылған сұрақтарға жауаптар берілді. Семинар-кеңестің қорытындысы бойынша учаскелік сайлау комиссияларының төрағалары мен хатшыларына тапсырмалар берілді, сайлаушылардың тізімдері тапсырылды, сондай-ақ кеңсе тауарлары және өзге де қажетті материалдар таратылды.
Қордай аудандық аумақтық сайлау комиссиясы
