6 қарашада аудандық мәслихаттың кезектен тыс елуінші сессиясы өтті. Оны Қордай аудандық мәслихатының төрағасы Нұрдин Садықов өткізді. Сессияға депутаттардан басқа аудан әкімінің уақытша міндетін атқарушы Бақыт Сахатов, аудандық ардагерлер кеңесінің төрағасы қатысты.
Депутаттар «2025-2027 жылдарға арналған аудандық бюджет туралы» №38-4 шешіміне өзгерістер енгізу туралы» мәселені қарады, ол бойынша егжей-тегжейлі баяндаманы аудан әкімдігінің экономика және бюджеттік жоспарлау бөлімінің басшысы Светлана Абдужалиева ұсынды.
