Президент Қасым-Жомарт Тоқаевтың бастамасымен 8 сәуірде басталған «Таза Қазақстан» акциясы аясында Сортөбеде ауқымды жұмыстар қолға алынған болатын. Тіпті ауыл болып арнайы техника сатып алып, тек тазалық айында ғана емес өзге де табиғатқа байланысты төтенше жағдай кезінде олар ауданның кез-келген ауылына көмекке жетуге әзір.
Сол техникалар жанында ауыл халқымен, белсенділермен ҚР Президенті Әкімшілігінің Қазақстан халқы Ассамблеясы хатшылығының меңгерушісі Марат Әзілханов, Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин, облыс әкімінің орынбасары Қанатбек Мәдібек, Қазақстан халқы Ассамблеясы Төрағасының орынбасары Буларов Лугмар және Қордай ауданының әкімі Бегзат Болатбеков кездесті. Астаналық қонақтар атқарылған еңбек үшін, этносаралық келісімді нығайтудағы қосқан үлес үшін баршаға алғыстарын айтып, ауданның бірқатар тұрғындарын марапаттады.
Осы күні Қазақстан халқы Ассамблеясының «Алғыс» төсбелгісімен Сава Двумар, ал Ассамблеяның Алғыс хатымен Таубалды Данияр, Саяков Шәміл, Көпбаев Орынбек, Дургалов Абдул, Абитаев Адамбек, Нинжуров Рахим, Щилязов Шисыр, Эрва Ихия, Жапеков Руслан, Дыров Юсуф, Масанов Рамазан, Ванчанщи Айдир марапатталды.
