Қордай ауданы әкімінің міндетін атқарушысының 2024 жылғы 3 желтоқсандағы №103 ө-ж/қ өкімімен Қордай ауданы әкімдігінің ішкі саясат бөлімінің басшысы болып Қабылтай Таңат Үсеналыұлы тағайындалды.
Қабылтай Танат Үсеналыұлы 1994 жылы Жамбыл облысы, Қордай ауданы, Қордай ауылында дүниеге келген.
Ұлты – қазақ.
Білімі – жоғары. 2016 жылы Қырғыз Республикасы Үкіметі жанындағы Қырғыз мемлекеттік Заң академиясын «Құқықтану» мамандығы бойынша аяқтаған.
Еңбек жолын 2017-2019 жылдары Алматы облысы Кербұлақ ауданында №12740 әскери бөлімінің бөлімше командирі болып бастаған.
2019-2020 жылдары Қордай ауданы Алға ауылдық округі әкімі аппаратының бас маманы, 2020-2022 жылдары Қордай ауданы әкімдігінің ішкі саясат бөлімінің бас маманы, 2022-2023 жылдары Қордай ауданы әкімінің азаматтардың өтініштерін қарау жөніндегі кеңесшісі, 2023-2024 жылдары Жамбыл облысы әкімдігінің білім басқармасы құқықтық қамтамасыз ету және педагог кадрлармен жұмыс жүргізу бөлімінің бас маманы, 2024 жылы Қордай ауданы әкімі аппаратының кеңсе бөлімшесінің басшысы болып қызметтер атқарған.
Отбасылы, 2 бала тәрбиелеуде.
