Бауыржан Арынұлы Үдергенов Қордай аудандық полиция бөлімінің бастығы болып тағайындалды.
Бауыржан Арынұлы 1978 жылғы 20 наурызда Жамбыл облысының Жамбыл (қазіргі Тараз) қаласында дүниеге келген.
Білімі жоғары.
1999 жылы М.Х. Дулати атындағы Тараз мемлекеттік университетін «бухгалтерлік есеп және аудит» мамандығы бойынша, 2003 жылы М.С. Нәрікбаев атындағы Қазақ гуманитарлық-заң университетін «құқықтану» мамандығы бойынша тәмамдап, экономист және заңгер біліктіліктерін алған. Қазақ және орыс тілдерін еркін меңгерген.
Құқық қорғау органдарындағы қызметін 2000 жылғы 17 қаңтарда бастаған.
Бауыржан Арынұлы полицейлік қызметтің барлық негізгі бағыттарынан өткен. Учаскелік инспектордың көмекшісінен бастап облыстық басқармалардағы басшылық лауазымдарға дейін қызмет атқарған.
Ол учаскелік инспектор, қоғамдық қауіпсіздік бөлімшесінің бастығы, кейін полиция бөлімі бастығының орынбасары қызметтерін атқарды. Әр жылдары жергілікті полиция қызметі бастығының орынбасары, Жуалы аудандық ішкі істер бөлімі бастығы, Жамбыл облысы Полиция департаменті бастығының орынбасары, сондай-ақ департамент бастығының бірінші орынбасары болды.
2020–2022 жылдары Жамбыл облысының Мамандандырылған күзет қызметі басқармасын басқарып, кейін қайтадан облыстық ПД бастығының орынбасары болып тағайындалды. 2025 жылы ҚР ІІМ Павлодар облысы бойынша Мамандандырылған күзет қызметі басқармасын басқарды.
2019 жылғы 22 қарашада полковник шенін алған.
Бауыржан Арынұлы Үдергеновтің Қордай аудандық полиция бөлімінің бастығы қызметіне тағайындалуы жергілікті деңгейде құқық қорғау органдарының жұмысын күшейтуге, қоғамдық қауіпсіздікті нығайтуға және құқықбұзушылықтардың алдын алу тиімділігін арттыруға бағытталған.
