Тараз қаласында автоматтандырылған микроклимат бақылау жүйесімен жабдықталған заманауи көкөніс сақтау қоймасы пайдалануға берілді, деп хабарлайды baq-orda.kz.

Жаңа нысанның жұмысымен Жамбыл облысының әкімі Ербол Қарашөкеев пен қала әкімі Бақытжан Орынбеков арнайы танысты.

«TRZ Agro» ЖШС-нің агроөнеркәсіптік аймағында орналасқан жоба инвесторлардың қаржысы есебінен жүзеге асырылған. Заманауи технологиялармен қамтылған қойма бір мезетте 12 мың тоннаға дейін ауыл шаруашылығы өнімдерін сақтауға мүмкіндік береді.