22 тамызда Қордай аудандықмәслихатының кезектен тыс сессиясы өтті. Оның жұмысына аудандық мәслихаттың төрағасы Нұрдин Садықов, мәслихат депутаттарымен қатар, аудан әкімінің орынбасары Бақыт Сахатов, ауылдық округтердің әкімдері, аудандық Қоғамдық кеңестің төрағасы, аудандық ардагерлер кеңесінің төрағасы және бұқаралық ақпарат құралдарының өкілі қатысты.
Сессияда«Қордай аудандық мәслихатының 2024 жылғы 30 желтоқсандағы №39-2 шешіміне өзгерістер енгізу туралы» сұрақ қаралды.Бұл сұрақ бойынша аудан әкімдігінің экономика және бюджеттік жоспарлау бөлімінің басшысы Светлана Абдужалиева жан-жақты баяндама жасады.
Қаралған мәселе бойынша депутаттар толыққандыталқылау өткізіп, тиісті шешім қабылдады.
