Уақытша шектеулер аяқталғаннан кейін Қазақстан Республикасы Үкіметі теңгерімді тарифтік саясатты жүзеге асыруды жалғастырады. Тәсіл кезең-кезеңімен және нысаналы түрде жүргізіледі, күрт және экономикалық тұрғыдан негізделмеген шешімдер қабылданбайды. Негізгі басымдық — халыққа түсетін жүктемені азайту, инфляциялық қысымды тежеу және тұрғындарды сапалы әрі қолжетімді коммуналдық қызметтермен қамтамасыз ету.

Тарифтік саясат ең алдымен тіршілікті қамтамасыз ету жүйелерінің сенімді жұмысын қамтамасыз етуге, қажетті жөндеу жұмыстарын жүргізуге, инфрақұрылымның тозуын азайтуға және апаттардың алдын алуға бағытталған.