Бүгін Астанада «Жаңа Конституция: сенім мен дамудың жаңа архитектурасы» тақырыбында сарапшылар диалогы өтуде.
Жиында Мәжіліс депутаты Айдос Сарым пропорционалдық жүйе азаматтардың сайлау және сайлану құқығын шектейді деген пікірдің негізсіз екенін айтты. Оның сөзінше, мажоритарлық округтер сақталады, ал партиялық жүйе өкілдікті әділ бөлуді қамтамасыз етеді.
«Пропорционалды сайлау жүйесі азаматтардың құқығын шектемейді, керісінше партияаралық бәсекені күшейтіп, саяси жауапкершілікті арттыруға және заң сапасын жақсартуға мүмкіндік береді», – деп түйіндеді ол.
