Мәдениет және ұлттық салт-дәстүр күніне орай Қордай аудандық орталық кітапханасында оқушылардың бойына мәдени-рухани құндылықтарды дарыту мақсатында тағылымды кездесу ұйымдастырылды.
Шараға желтоқсан оқиғасының куәгерлері қатысып, өз өмірлік тәжірибелерімен бөлісті. Кеш барысында желтоқсаншылар мейірімділік, ізгілік, қайырымдылық, адамгершілік секілді құнды қасиеттердің маңыздылығына тоқталып, ұлттық сана-сезімді қалыптастырудағы салт-дәстүр мен тарихтың рөлін ерекше атап өтті. Олар ана тілімізді қадірлеу, ата-баба дәстүрін құрметтеу, ұлттық мәдениетті сақтау – әрбір азаматтың міндеті екенін түсіндірді.
Шараға қатысқан оқушылар кездесуден үлкен әсер алып, ұлтжандылық, рухани тәрбие, тарихи сананың маңыздылығын ұғына түсті. Желтоқсаншылардың ұлттық нақыштағы киімдері жиынға мерекелік көңіл-күй сыйлап, шараның мазмұнын аша түсті.
Осындай кездесулер өскелең ұрпақтың ұлттық құндылықтарға деген сүйіспеншілігін арттырып, мәдени мұраны дәріптеуге зор ықпал етеді.
