Тұрғын үй-коммуналдық шаруашылық — кез келген елдің экономикасы мен әлеуметтік саласының ірі салаларының бірі. Ол экономикалық қатынастардың дамуына және мемлекет халқының әлеуметтік әл-ауқатына айтарлықтай әсер етеді. Осы орайда, аудан әкімдігінің тұрғын үй-коммуналдық шаруашылығы жөніндегі кәсіпорнының былтырғы жылы атқарған жұмыстары туралы оқырман назарына ұсынуды жөн көрдік.
Шаруашылықтың негізгі әлеуметтік миссиясы халықты әр адамның өмірі мен қызметі үшін қажетті коммуналдық қызметтермен үздіксіз қамтамасыз етуді жүзеге асыру болып табылады. Кәсіпорын қызметiнiң негiзгi мақсаты коммуналдық және тұрғын-үй шаруашылығы және жергiлiктi инфроқұрылымның өзге де өмiрлiк қамтамасыз ету жүйелерi саласында шаруашылық қызмет атқару, елдi мекендердiң тыныс-тiршiлiгiн (жылумен жабдықтау, коммуналдық қалдықтарды жинау және шығару) қамтамасыз ету, дербес қазандықтардың жылу энергиясын өндіруі, автомобиль жолдарын, көпірлерді, туннельдерді күту, аумақтарды абаттандыру қызметі. Кәсіпорын шаруашылық қызметі сонымен бірге мемлекеттік тапсырыстармен айқындалады. Сонымен қатар, аталмыш кәсіпорын ауданның, шағын ауданның, тұрғын үйдің жайлылығын қамтамасыз ете отырып, адамның тіршілік ету ортасын едәуір дәрежеде қалыптастырады.
Шаруашылық кәсіпорны директоры Қуаныш Байжігітовтің берген мәліметіне сәйкес, тұрғын үй-коммуналдық шаруашылығы кәсіпорны бірқатар ауқымды жобаларды іске асырған. Мәселен, аудандық маңызы бар, ұзындығы 275 шақырымды қамтитын автомобиль жолдарын ағымды жөндеу және маусымды күтіп ұстау жұмыстары жүргізіліпті. Сондай-ақ, «Қаракемер-Қарасай батыр-Еңбек» елдімекендеріндегі аудандық маңызы бар жолдарының 28-37 шақырым аралығына орташа жөндеу жұмыстарын жүргізіп, қолданысқа берілген. Қордай ауылы, Елімай көшесіндегі су айдынын абаттандыру жұмыстарын қолға алып балалар ойын алаңшасы, ағаштан пирс орнатылып, автотұрақ орыны салынып, қыдыру алаңына жолға төсейтін тастар төселген. Ауқымды істер мұнымен біткен жоқ. Қордай ауданы әкімдігінің мәдениет және тілдерді дамыту бөлімінің «Аудандық мәдениет үйі және тарихи-өлкетану музейі» қазыналық кәсіпорнымен жасалған келісім шарт бойынша Қордай ауылының «Емен ағаштары» саябағында жаяу жүргіншілер жолын салу жұмыстарын жүргізіп балалар ойын алаңшасы, жаяу жүргіншілер жолы салынып, металл қаңқасы бар құрылымдар орнатылған. Сондай-ақ, орындықтар, ұсақ түйіршікті асфальтбетон қоспасымен веложүргінші жолы салынып және де шартта қарастырылған жұмыстар толығымен жүргізілген. Онымен қоса, ескі құрылыстар алынып аталған саябақта абаттандыру шаралары жасалып электр және су құбырлары жаңартылып, ағаштар мен көгалдар отырғызылыпты.
Атқарылған істерді қаз-қатар тізіп берген кәсіпорын директоры алдағы атқарылар жоспарларымен де бөлісті.
«2025-2026 жылдардағы жылыту маусымына дайындық, көмір жеткізу жұмыс-тары, қазандықтарда ағымды жөндеу жұмыстары жоспарланған. Аудан бойынша барлығы 13 мектеп қазандықтары көмірден газ отынына ауыстырылады. Қазіргі уақытта Соғанды ауылының №33 негізгі мектебінің қазандығы, Гвардейский қалашығындағы №43 мектеп қазандығы, Қаракемер ауылындағы № 14 мектеп қазандықтарын газ отынына ауыстыру жұмыстарының жобасы дайын. Биыл аудандық маңызы бар, ұзындығы 275,37 шақырымды қамтитын автомобиль жолдарын ағымды күтіп ұстау жұмыстары жалғасады. Сондай-ақ, ағымдағы жылы «Отар-Сұлутөр-Көктөбе» аудандық маңызы бар жолдарды орташа жөндеу жұмыстарын аяқтау жоспарда тұр», — дейді Қуаныш Бақытұлы.
Тұрғын үй-кoммyнaлдық шaрyaшылық caлacы құрылыc нaрығының мaтeриaлдық өндi-рicтiң бiр caлacы рeтiндe, бacқa caлaлaрғa қaрaғaндa көп бeлгiлeрiмeн eрeкшeлeнeдi. Мұндa қызмeт өзiнiң aрнaйы, eрeкшeлeнгeн зaңдылықтaры aрқылы жүргiзiлeдi, бacқaрyдың түрлeрi мeн әдicтeрiн дұрыc тaңдayдa oны eceптey eң қaжeттi шaрттың бiрi бoлып саналады.
