Жамбыл облысы әкімдігінің білім басқармасы Қордай ауданының білім бөлімі 2022 жылдың 22-23 қыркүйек аралығында «Үздік педагог» атағын беру конкурсының аудандық кезеңін өткізетіндігін хабарлайды.
1. Осы «Үздік педагог» атағын беру ережесі (бұдан әрі — Ереже) «Білім туралы» Қазақстан Республикасы Заңының 5-бабының 8-6) тармақшасына сәйкес әзірленген.
2. «Үздік педагог» атағын беру конкурсының (бұдан әрі — Конкурс) аудандық кезеңінің дайындық және өткізу жұмыстары Ереже негізінде жүзеге асырылады.
3. «Үздік педагог» атағын беру конкурсының І кезеңі «Үздік педагог» атағын беру қағидаларын бекіту туралы» Қазақстан Республикасы Оқу-ағарту министрінің 2022 жылғы 9 тамыздағы 355 бұйрығына қосымша Қазақстан Республикасы Білім және ғылым министрінің 2015 жылғы 16 қаңтардағы 12 бұйрығымен бекітілген «Үздік педагог» атағын беру қағидаларының негізінде өткізіледі.
КОНКУРСТЫҢ МАҚСАТЫ МЕН МІНДЕТТЕРІ
Мақсаты: педагог кәсібінің мәртебесін арттыру және кәсіби қызметте жоғары жетістіктері бар шығармашыл педагогтерді анықтау.
Міндеттері:
• заманауи озық технологиялармен жұмыс жасайтын педагог қызметкерлердің озық іс-тәжірибелерін тарату;
• білім беру үдерісіндегі педагогикалық идеяларды насихаттау;
• шығармашылықпен жұмыс атқаратын педагог қызметкерлерге қолдау көрсету.
«Үздік педагог» атағын беру конкурсының І кезеңіне қатысушылар Жамбыл облысы әкімдігінің білім басқармасы Қордай ауданының білім бөліміне 2022 жылдың 20 қыркүйекке дейін құжаттарды электронды нұсқада тапсырулары қажет. Мерзімінен кешіктірілген жұмыстар қабылданбайды
