Мен, Карасартов Габит Джумашевич 1972 жылдың 17 ақпанында Жамбыл облысы, Қордай ауданы, Күнбатыс-2 ауылында дүниеге келдім. Ұлтым – қазақ, білімім – жоғары. 2000 жылы Алматы қаласындағы «Қайнар» университетін «құқықтану» мамандығы бойынша аяқтадым. 2005-2008 Масаншы ауылдық округі әкімі аппаратының бас маманы; 2012-2013 жылдары Қордай ауданы әкімдігінін жұмыспен камту бөлімінің әлеуметтік қызметкері; 2013-2020 жылдары Масаншы ауылдық округі әкімі аппаратының бас маман-заңгері; 2020-2022 жылдары Қарақоңыз ормандарды және жануарлар дуниесін қорғау жөніндегі коммуналдық мемлекеттік мекемесінің заңгері; 2022-2023 жылдары Масаншы ауылдық округі әкімі аппаратының бас маманы болып жұмыс істедім. 2023 жылдан бүгінгі күнге дейін Қордай ауданы, Масаншы ауылдық округі әкімі аппаратында, ауыл әкімінің орынбасары қызметін атқарудамын. Үйленгенмін, 7 балам бар.
Құрметті сайлаушылар!
Менің басты мақсатым – Әділетті қоғамның қалыптасып, ауыл тұрғындары табысының барынша артуы болып табылады. Ол мақсатқа жету үшін төмендегі негізгі бағыттарға тоқталғым келеді.
- Жастар арасында кәсіпкерлікті дамыту мақсатында жеңілдетілген несие, гранттарға қол жеткізуіне ақпараттық қолдау жасауға;
- Өз округімдегі жолдардың сапасын қатаң бақылауға алу;
- Сортөбе округінің тұрғындарының сапалы өмір сүруіне барынша қолдау көрсетуге;
- Ауылға келген жас мамандардың аудан әкімшілігі арқылы әлеуметтік және материалдық жағдайларын дер кезінде шешілуіне ықпал ететін боламын.
Сайланудағы менің басты мақсатым – сіздермен тығыз ынтымақтаса болып, аудан халқының денсаулығынына байланысты мәселелер мен міндеттерді өз деңгейінде шешу үшін бар күш жігерімді жұмсаймын!
Мен Сортөбе ауылдық округі тұрғындарының әл-ауқаты мен өмір сүру сапасын айтарлықтай жақсарту бойынша алға қойылған міндеттерді шешу үшін сайлауға барамын.
Біз бірге алға қойған барлық мақсаттарға қол жеткізе алатынымызға сенімдімін.
